របៀបធ្វើទ្រុងមាន់

ការយល់ដឹងពីការសាងសង់ទ្រុង និរៀបចំសំរាប់ទ្រុងមាន់សាច់!

#ទំហំទ្រុងដែលត្រូវធ្វើតាមអាយុមាន់

- ទ្រុងកូនមាន់ ពីកើត ដល់អាយុ ២១ថ្ងៃ មួយការ៉េដាក់បាន ច្រើនបំផុត ៨០ ក្បា

- ទ្រុងមានបឋម (ទ្រុងធ្នើរ) ពីអាយុ ២១ថ្ងៃ ដល់ទំងន់កន្លះគីឡូ មួយការ៉េដាក់បាន ២០ក្បាល ទៅ ៣០ ក្បាល

- ទ្រុងមាន់សាច់ពីទំងន់កន្លះគីឡូ ដល់លក់ ដាក់បានពី ៧ ក្បាល ទៅ ១០ ក្បាល

#ប្រភេទទ្រុងដែលត្រូវធ្វើ

1- ទ្រុងមាន់សាច់ដែលមានចាក់សាបនៅបាតទ្រុង និងមានក្រាលអង្កាម។ ការសាងសង់ទ្រុង និងរៀបចំបែបនេះ 

- វាធ្វើអោយបងប្អូនងាយស្រួលកាបសំអាតរាល់ពេលដូរអង្កាម 

- ទ្រុងស្ងួតស្អាតល្អ 

- កាត់បន្ថយបញ្ហាក្លិនអាម៉ូញ៉ាក់ដែលកើតពីលាមកមាន់ ការកំពុបទឹកជាដើម

- កាត់បន្ថយអត្រាបានខ្ពស់

➡ តែវា ត្រូវចំណាយលុយច្រើនក្នុងការសាងសង់

2- ទ្រុងមាន់សាច់ដែលមិនមានចាក់សាបនៅបាតទ្រុង តែមានក្រាលអង្កាម។ ការសាងសង់ទ្រុង និងរៀបចំបែបនេះ វាធ្វើអោយ

- ទ្រុងមាន់ ងាយស្រួលសំអាត រាល់ពេលដូរអង្កាម

- កាត់បន្ថយបញ្ហាក្លិនអាម៉ូញ៉ាក់ដែលកើតពីលាមកមាន់ ការកំពុបទឹកជាដើម

- ល្អនឹងការធ្វើជីកំប៉ុស

- មិនចំណាយលុយច្រើនក្នុងការចាក់សាប

➡តែដោយសារមិនការចាក់សាបបាតទ្រុង នោះវាងាយនឹងធ្វើអោយអង្កាមសើម ដោយការបឺតសំណើមពីក្នុងដី 

3- ទ្រុងមាន់សាច់ ដែលមិនមានទាំងចាក់សាប និងមិនក្រាលអង្កាម ទ្រុងបែបនេះ

- មិនចំណាយលុយច្រើនក្នុងការចាក់សាបបាតទ្រុង 

- មិនចំណាយពេលដូរអង្កាម

➡តែទ្រុងបែបនេះ វាធ្វើអោយទ្រុងមាន់ងាយកង្វក់ និងមិនស្អាត មានសំើមខ្ពស់ និងសំបូរក្លិនអាម៉ូញ៉ាក់ ជាហេតុធ្វើមាន់ងាយរងជំងឺផ្លូវដង្ហើម និងការឆ្លងជំងឺផ្សេងៗ

ដូច្នេះការរៀបចំ ទ្រុងទាំងបីខាងលើនេះ បងប្អូនអាចពិចារណាជ្រើសរើសតាមការគួរ!

@រក្សាសិទ្ធិ រស់ ឆាំងគី