វិធីការពារកូនមាន់ពីជំងឺផ្សេងៗ

តំរូវការរបស់កូនមាន់ និងការថែទាំ ចាប់ពីអាយុ ១ថ្ងៃ រហូតដល់ ២១ថ្ងៃ

1- ត្រូវរៀបចំកំដៅ និងទ្រុងសំរាប់ស្អំកូនមាន់រហូតដល់អាយុ ២១ថ្ងៃ ដែលទ្រុងនោះមិនទូលាយពេក មិនចង្អៀតពេក

2- ត្រូវផ្តល់ចំណីអោយកូនមាន់ស៊ី ចំណីណាដែលល្អ ស៊ីមិនរាក មិនរួញកធ្លាក់ស្លាប់  ពីព្រោះចំណីខ្លះវានឹងធ្វើអោយកូនមាន់មានបញ្ហា

3- ត្រូវគ្រប់គ្រងក្លិនក្នុងទ្រុងអោយបានល្អ ជៀសវាងក្លិនឈួល ដែលនាំអោយកូនមានបញ្ហាផ្លូវដង្ហើម ហើយជាពិសេសខ្យល់ត្រជាក់ពីខាងក្រៅទ្រុង ក៏អាចធ្វើអោយកូនមាន់កើតបញ្ហាផ្តាសាយ ផ្លូវដង្ហើមដែរ

4- កើតបាន ពីរ ឬបី ថ្ងៃ ត្រូវលាយថ្នាំអាម៉ុក ឬអង់រ៉ូ ដើម្បីការពារជំងឺឪកាសនិយម និងបញ្ហារាក ហើយសំរាប់វីតាមីន អាចលាយមួយសប្តាហ៍ ៣ ឬ ៤ ថ្ងៃបាន ដើម្បីជំនួយសុខភាព និងការលូតលាស់

5- កម្មវិធីវ៉ាក់សាំង 

- អាយុ បាន ៥ថ្ងៃ ធ្វើវ៉ាក់សំាង ញ៉ូកាស

- អាយុបាន ១០ថ្ងៃ ធ្វើវ៉ាក់សាំង អុតមាន់

- អាយុបាន ១៥ថ្ងៃ ធ្វើវ៉ាក់សាំង ហ្គុំបូរ៉ូ

សូមសំរាប់ការគ្រប់គ្រងថែទាំសុខភាពមាន់ ម្ចាស់សត្វត្រូវត្រួតពិនិត្យសុខភាពអោយបានជាប្រចាំ និងទៀងទាត់ 

- ពេលយប់ពិនិត្យការដកដង្ហើម 

- ពេលព្រឹកពិនិត្យលាមកនៅកន្លែងដេក

- ពេលដាក់ចំណី ត្រូវពិនិត្យចលនាមាន់ស៊ី ឬមិនស៊ី

- បើពិនិត្យឃើញមាន ឬសង្ស័យ ត្រូវចាប់ចេញ ដើម្បីពិនិត្យបន្ថែម សំរាប់វិនិច្ឆ័យ ឈានទៅដល់ការព្យាបាលវា

##ក្នុងករណីកូនមាន់មានបញ្ហា 

- បើរាកធម្មតា ប្រើ Enrofloxacin ឬ Sulfa បើរាកឈាម រាកស្ករ អាចប្រើ Anticox ឬ Colistin+Amprolium

- ផ្តាសាយ ផ្លូវដង្ហើម អាចប្រើ Doxycycline+Para Bromhexine

- ករណីស្លេកស្លាំង Electrolyte  និង Vitamin B12

@រក្សាសិទ្ធ រស់ ឆាំងគី

រៀនដើម្បីធ្វើស្រែ